Plantun de Prouvènço

Pèr coumpara dos planto d'encò nostre

Ipomoea purpurea & Hieracium morisianum

Ipomoea purpurea

Convolvulaceae

Noms en français : Volubilis, Liseron pourpre.

Descripcioun :
Planto escapado di jardin e aro naturalisado. Se recounèis eisa emé si gràndi flour roso, bluio o vióuleto. La fueio, entiero, se destrìo de Ipomoea indica que fai de fueio di tres partido.

Usanço :
La grano èi bono contro lou quiéu tapa e peréu li verme dóu meme endré. Ajudo tambèn à faire pissa. S'èi trouba de L.S.D., que d'ùni se n'en servon contro lou mau d'èstre.

Port : Erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Ipomoea
Famiho : Convolvulaceae

Coulour de la flour :
Petalo : 5
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Escoumbre e proche dis oustau
Estànci : Termoumediterran à Mesoumediterran
Couroulougi : Pancaro entresigna
Ref. sc. : Ipomoea purpurea (L.) Roth

Esparello(-de-Moris)

Hieracium morisianum

Asteraceae Compositae

Nom en français : Épervière de Moris.

Descripcioun :
Aquesto esparello, pulèu coumuno mai pas toujour bèn couneigudo, fai partido dóu group VILLOSA, presento au nostre soulamen en mountagno. Trachis dins li tepiero roucaiouso e li roucas. Es un Hieracium emé forço fueio de cambo e pu de fueio de baso à la flourido (ipoufiloupodo) emé proun de péu sus l'enflourejado e peréu sus lou dessouto di fueio. Fai partido de l'espèci couleitivo valdepilosum, pamens se destrìo dóu tipe qu'a li bratèio dóu dedins tant primo que li dóu deforo. Se penso qu'aquèsti Hieracium vènon de H. villosum introugressa pèr H. prenanthoides emé si fueio un pau en viouloun (Flora Gallica, op. cit. p. 444).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 15 à 40 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Hieracium
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : 13 à 15 mm
Flourido : Printèms - Estiéu

Sòu : Ca
Autour basso e auto : 1400 à 2300 m
Aparado : Noun
Remarco : Endemico dis Aup
Jun à avoust

Liò : Tepiero roucaiouso - Roucas
Estànci : Mountagnard à Aupen
Couroulougi : Ouroufito-Sud-Éuropo
Ref. sc. : Hieracium morisianum Rchb.f., 1859 (= Hieracium elongatum Willd. ex Froël., 1838 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Ipomoea purpurea & Hieracium morisianum

ges

Coumpara Courrejolo(-pourpro) emé uno autro planto

Coumpara Esparello(-de-Moris) emé uno autro planto